Детали

Креирано: 24 Август 2016

Високата школа за новинарство и за односи со јавноста во партнерство со Институтот за различности во медиумите од Лондон и дневниот весник „Нова Македонија“ на крајот на септември ќе организира конференција посветена на медиумската и информациската писменост во земјата. На настанот ќе бидат презентирани наодите од појдовниот извештај базиран на истражувањето што го реализираше Школата во обид да се мапираат искуствата, перцепциите и свесноста за значењето на овој вид писменост, особено во и од страна на медиумите и на граѓанскиот сектор, но и во средното образование.

Детали

Креирано: 05 Август 2016

Вестминистер фондацијата за демократија и Високата школа за новинарство и за односи со јавноста во октомври ќе ги промовира и презентира резултатите од истражувањата и изработените документи за јавни политики подготвени од граѓанските организации чии инцијативи за законски измени беа избрани а се однесуваа од областа на: здравствената заштита, социјалната заштита, медиумите, судството, дискриминацијата и образованието.

Детали

Креирано: 05 Август 2016

Во текот на летото Високата школа за новинарство и за односи со јавноста работеше на креирање „Прирачник за истражување за застапување и за пишување документи за јавни политики“. Тој е наменет за граѓаните и граѓанскиот сектор и има за цел да им помогне да направат истражување во областа во која работат и врз основа на тоа да подготват документи за јавни политики.

Детали

Креирано: 05 Август 2016

Дванаесет граѓански организации чии инцијативи за законски измени беа избрани преку проектот: “Граѓаните во Собранието: Законодавни иницијативи за човекови права” во периодот од јуни до октомври ги реализираат истражувањата и ги пишуваат документите за јавни политики кои ќе им помогнат поефективно да ги претстават своите интереси пред Собранието, пратениците, собраниските комисии и другите надлежни тела за спроведување на законодавството.

Детали

Креирано: 05 Август 2016

Во рамки на проектот: “Граѓаните во Собранието: Законодавни иницијативи за човекови права”, Вестминистер фондацијата за демократија и Високата школа за новинарство и за односи со јавноста организираа две обуки за граѓанските организации чии инцијативи беа избрани на отворениот повик.

Детали

Креирано: 18 Јули 2016

Наставните програми за курсевите на онлајн програмата за професионален развој е-ПРОФМАН се подготвени. На состанокот на конзорциум бордот на Виртуелниот кампус од Македонија, Словенија и Турција беа финализирани содржините и компетенциите што транснационалната програма по иновативен менаџмент, лидерство и стратегиски комуникации ќе ги обезбеди за нејзините идни учесници.