На Високата школа работи тим што се грижи студентот секогаш да е во фокусот и процесот на студирање да се одвива беспрекорно. Тимот е задолжен предавањата и вежбите да се одвиваат непречено, нуди техничка поддршка за реализирање на наставата, остварува соработка со приватниот и јавниот сектор и ги вклучува студентите во проекти од областа на новинарството и односите со јавноста.

Тимот го следи развојот на студентот, го советува во текот на студирањето, му обезбедува стручна литература и го насочува професионално согласно неговите интереси. Тимот е секогаш достапен за потребите на студентот, редовно го известува за студентските активности и му овозможува да ја користи техничката опрема за потребите на наставата.