Во текот на летото Високата школа за новинарство и за односи со јавноста работеше на креирање „Прирачник за истражување за застапување и за пишување документи за јавни политики“. Тој е наменет за граѓаните и граѓанскиот сектор и има за цел да им помогне да направат истражување во областа во која работат и врз основа на тоа да подготват документи за јавни политики.

Публикацијата е поделена во два дела при што во првиот дел се објаснети методите на истражувања кои се применуваат во застапувањето, додека вториот дел го опфаќа начинот на кој се пишуваат документите за јавни политики, следејќи ги принципите на аналитичко и аргументирано пишување.

Автори се предавачи од Школата кои се долгогодишни експери во социолошките истражувања и комуникацијата со јавноста. Оваа публикација заедно со финалните документи за јавни политики кои ги изработија невладините организации ќе биде промовирана во текот на октомври.