Предметот ги опфаќа основните економски категории и принципи, со намера студентите да ги разберат причинско-последичните врски на економските текови во земјата и во странство и, врз основа на тоа, компетентно да известуваат за нив. Студентите се запознаваат со основите на макроекономијата, бруто-домашниот производ, условеноста на економскиот развој на земјата, невработеноста и инфлацијата. Вториот дел од предметот е фокусиран на економскиот развој во Македонија во контекст на глобалната економија: светските финансиски кризи, зошто во нашиот капитализам бегаме од планската економија, македонската берза споредена со светските берзи.
Знаења и вештини
Предметот им овозможува на студентите:
- да ги знаат и разбираат основните категории и принципи во сферата на економијата кои се од значење за функционирањето на националната економија и на меѓународните економски односи;
- да ги детектираат проблемите во финансиската сфера, да побараат соодветни одговори и истите правилно и навремено да ги презентираат на јавноста;
- компетентно да ја информираат јавноста за проблемите со кои се соочуваат граѓаните кои се директно засегнати од прашањата за кои ќе известуваат;
- да ги разбираат и анализираат проблемите со невработеноста, инфлацијата, распределбата на доходот и сиромаштијата како макроекономски проблеми;
- да читаат финансиски извештаи;
- да ги усовршат техниките за известување за економски теми со едноставен и разбирлив речник, приемчив за просечниот граѓанин
Задолжителна литература
- Д-р Томе Неновски: Макроекономија, University American College, Скопје, 2008
- Проф. д-р Владимир Кандикјан и проф. д-р Тодор Рушков: Економика, Прв дел-Микроекономика, Economy press, Скопје, 2003
- Проф. д-р Михаил Петковски, Финансиски пазари и институции, Универзитет „Свети Кирил и Методиј“, Економски Факултет Скопје
Факти за предметот
Траење: еден семестар (септември – јануари)
Задачи: вежби, работа на терен, практични задачи
Предавач
д-р доц. Крсте Шајновски