Предметот опфаќа содржини од областа на општата лингвистика, историјата, фонетиката и морфологијата на македонскиот стандарден јазик. Тука припаѓаат темите од утврдувањето на разликата меѓу јазикот и говорот, кус преглед на историјата на македонскиот јазичен систем, правописни и правоговорни проблеми, зборовните групи во јазикот, како и прашања од лексиката и зборовната деривација во јазикот.

Знаења и вештини

Предметот им овозможува на студентите:

• да ја согледаат поврзаноста/спрегата меѓу јазикот, човекот и општеството;
• да стекнат сознанија за историските причини на современите јазични белези, појави или проблеми;
• да ги согледаат современите текови на македонскиот јазик и да развијат способност за поврзување, приемчивост и отвореност кон соседните, како и кон светските современи јазици;
• да создадат критички „филтер“ за прифаќање на различните влијанија врз македонскиот јазик;
• да бидат солидно описменети на фонетско-фонолошко и морфолошко ниво и способни за правилна комуникација во усна и во пишана пројава;
• да ја осознаат вредноста и убавината на македонскиот јазичен систем;
• да стекнат способност за оригиналност и автентичност на сопствениот израз во духот на современиот македонски јазик;
• да стекнат свест за примена на стандардниот македонски јазик во сите јавни пројави и настапи.

Факти за предметот

Траење: еден семестар (септември – јануари)
Задачи: вежби, работа на терен, практични задачи

Литература

М-р Татјана Б. Ефтимоска, Современ македонски јазик во областа на новинарството и на односите со јавноста, Висока школа за новинарство и за односи со јавноста, Едиција ExLibris, 2010

Предавач

М-р Татјана Б. Ефтимовска