Предметот им овозможува на идните новинари и практичари за односи со јавност да стекнат знаења, техники и вештини на професионалното пишување. Изучувањето на предметот почнува од основната единица – зборовите и нивната употреба во стандардниот јазик, преку формирањето на реченицата до структурирањето на новинарскиот текст.

Знаења и вештини

Предметот им овозможува на студентите:

• да стекнат знаења за основните вештини на новинарско пишување и да ги совладаат техниките за пишување новинарски текстови
• да употребуваат зборови од стандардниот јазик, семантички прецизни изрази, да се служат со метафоризација на изразот, да избегнуваат бирократизми, фрази и клишеа, да употребуваат активен говор
• да пишуваат јасни, концизни, допадливи, граматички исправни и стилски разнообразни текстови за објавување во печатот, соопштенија за јавност, говори и други форми на медиумско изразување
• студентите да ги совладаат техниките на директен и индиректен говор - цитирање и парафразирање, опис - дескрипција, нарација, расправа и аргументирање и да ги комбинираат овие модели во развојот на текстот

Факти за предметот

Траење: еден семестар (септември – јануари)
Задачи: вежби, работа на терен, практични задачи

Литература

Бранко Героски, Научи да пишуваш, ЦЈЗ Лотос, 2009

Предавач

М-р Зоран Димитровски