Предметот ги воведува студентите во елементарните поими на професијата и природата на масовните медиуми, како и правците по кои се движи современото новинарство. Предметот ги опфаќа односите на новинарството и медиумите со општеството, улогата на професијата во креирањето на јавното мислење, како и основните правила за новинарско пишување. Студентите ќе се запознаат со важните правила за креирање на медиумските содржини во согласност со етичките принципи.

Знаења и вештини

Предметот ќе ги оспособи студентите:

• да ги користат новинарските сетила за препознавање на вест вредна за објавување и добра новинарска сторија;
• да ги знаат и разбираат основните поими поврзани со новинарството, масовните медиуми и комуникациските науки;
• да ја препознаваат и идентификуваат публиката и целните групи кои ги консумираат новинарските производи;
• да структурираат новинска вест;
• да препознаваат, идентификуваат и користат соодветните извори на новинарски информации;
• да ги практикуваат основните техники за прибирање информации;
• да ги селектираат, анализираат и комбинираат добиените информации за да формираат вест;
• да ја одредуваат и организираат хиерархијата на елементите во веста;

Факти

Траење: еден семестар (септември – јануари)
Задачи: вежби, работа на терен, практични задачи

Литература

• Основи на пишување за медиуми, Мелвин Менчер, Висока школа за новинарство и за односи со јавноста, Едиција ExLibris, 2011
• Прирачник за пишување за печатени медиуми, Македонски институт за медиуми, Едиција МИМ школа, 2005

Предавач

This email address is being protected from spambots. You need JavaScript enabled to view it.

Практичар

This email address is being protected from spambots. You need JavaScript enabled to view it.