Вкупно 80 студенти може да студираат наредната академска година на двете насоки на Високата школа: Новинарство и продукција и Корпоративни комуникации и односи со јавноста.

Студиите се одвиваат под менторство на предавачи од праксата и преку работа во медиуми, компании и институции.

Факултетскиот центар „Кариера“ им обезбедува на студентите да стажираат два пати во годината и се грижи тие да се вработат уште за време на студиите.

Студентите можат бесплатно да поминат еден семестар во повеќе од 50 универзитети во Европа како дел од меѓународната соработка на факултетот. Во Високата школа е основана Катедрата на УНЕСКО за медиуми за Македонија, факултетот е дел од европската универзитетска програма за студентска мобилност ERASMUS, членува во Европската асоцијација за обука на новинари (ЕЈТА) и е единствен македонски потписник на регионалниот протокол за односи со јавноста.

Со поддршка на европските партнери кои стипендираат врвно факултетско образование, школарината изнесува само 900 евра годишно без дополнителни трошоци.

Условите за запишување се објавени во конкурсот.