Организациите кои се дел од проектот ги застапуваат законските измени користејќи различни методи, како средби со пратеници и министри, учество во интер-парламентарни групи во парламентот и работни групи во министерства, актуелизирање на темата во јавноста, средби со релевантни таргет групи за иницијативата итн. Потребата од законски измени за таргетираните закони е прифатена од страна на пратеници пред кои беа презентирани, како и претстаници од релевантните министерства. Дел од иницијативите веќе бележат и конкретни резултати.

ЏЕФ: Законските измени кои ги застапува ЏЕФ беа доставени до Министерството за информациско општество и администрација во периодот предвиден за доставување преораки за измени на Закон за аудио и аудио визуелни медиумски услуги. Верзијата за новиот закон која МИОА ја сподели со јавноста на 01 ноември 2017, вклучува дел од препораките доставени од оваа иницијатива.

Вилсон: Вилсон Македонија стана дел од работната група на Министерството за здравство за измени и дополнувања на Законот за здравствена заштита, формирана во јуни годинава. Доставени се конкретни предлози за измени/ дополнувања на овој закон со цел надминување на проблемите и подобрување на квалитетот на живот на заболените од ретки болести и нивните семејства во Македонија.

Организирана беше и конференција на која пациентите, лекарите, институциите и другите инволвирани страни за прв пат заедно дискутираа предлог национален план за ретки болести.