Вестминистер фондацијата за демократија во соработка со Високата школа за новинарство и за односи со јавноста на 15-ти ноември организираа панел дискусија на која беа презентирани 11-те документи за јавни политики кои граѓанските организации ги подготвија во рамки на проектот  “Граѓаните во Собранието: Законодавни иницијативи за човекови права”  а имаат за цел приближување на граѓанското општество до Собранието.

Заедно со документите за јавни политики на панел дискусијата беше промовиран „Прирачник за истражување и за пишување документи за јавни политики“ кој  има за цел да им помогне на поединци или граѓанските организации да се стекнат со вештини за истражување, пишување и за застапување за да можат поефективно да ги престават своите интереси пред законодавните тела.