This email address is being protected from spambots. You need JavaScript enabled to view it. магистрирал на Институтот за социолошки и политичко-правни истражувања во Скопје на отсекот Комуникации. Дипломира на отсекот Политички науки на Правниот факултет во Скопје во групата по Јавно мислење и масовни комуникации.

Од основањето на Институтот за комуникациски студии (ИКС), тој е координатор на магистерските студии и проекти кои ги спроведува Институтот, ангажиран е како помлад истражувач во научни и апликативни истражувања и менаџира со кампањите за промоција на ИКС. Предавач е по предметот Менаџирање на настани и буџетирање на Високата школа за новинарство и за односи со јавноста и ги води студентските семестрални проекти. Активно е вклучен во реализирање на обуки од областа на стратегиските комуникации и на медиумите.

Има искуство со координирање на програми и обуки за професионализација во областа на новинарството во Македонскиот институт за медиуми (МИМ), кадешто беше ангажиран како обучувач во проектот „Медиумска писменост во македонското образование“. Две години беше тренинг координатор на Едногодишната школа за новинарство на МИМ.

Претходно шест години работи како новинар во А1 Телевизија и во Македонската телевизија.

Ко-автор е на „Прирачникот за наставници за медиумска писменост во Македонија“ (МИМ, Скопје, 2009) и на „Упатството за уредувачка етика во онлајн медиумите“ (Медиа центар, Сараево, 2008). Автор е на три документарни филмови.

Редовно посетува конференции, професионални програми и обуки во областа на односите со јавноста, медиумите и новинарството.

This email address is being protected from spambots. You need JavaScript enabled to view it. дипломирала новинарство на Интердисциплинарните студии на новинарство на Универзитетот „Св. Кирил и Методиј“-Скопје, во 1996 година. Завршила магистерски студии „Комуникација и менаџмент за културни политики“ на Универзитетот „Лумса“ во Рим, Италија, во 2004 година, на тема: “Медиумската концентрација и неговото влијание врз плурализмот во медиумите“. Докторската дисертација на тема: „Карактеристики и значење на спинингот во креирањето на медиумската реалност и неговото појавување во Македонија“, ја има одбрането на политички студии на Правниот факултет во Скопје.

Како новинар почнува да работи од 1993 година, најпрво во радио „Нома“, па потоа во МТВ, радио „Либертас“, неделникот „Фокус“, а од 1998 година започнува да работи како лице задолжено за односи со јавноста во проекти на Американската агенција за меѓународен развој (УСАИД). Во периодот од 1999 до 2001 година e Извршен директор во Македонскиот прес центар каде што е и еден од основачите, а од 2001 година работи на формирање на фондацијата Македонски институт за медиуми, каде што до почетокот на октомври 2008 година е Извршен директор. Со основањето на Високата школа за новинарство и за односи со јавноста преминува во оваа високо образовна институција.

Во изминатиот период Трајкоска работела и како консултант и ПР експерт за повеќе проекти на УСАИД и на ЕУ, а во последните година е консултат на Секретаријатот за европски прашања на Владата на РМ за изготвување на комуникациски стратегии на министерствата за интегрирање на Македонија во ЕУ.

Во периодот 2006-2008 година, таа е член на Комисијата за заштита на правото на слободен пристап до информации од јавен карактер, формирана од Собранието на РМ во 2006 година. Во 2000 година престојувала на студиски престој во САД, а во минатите години континуирано учествува на европски и светски конференции за развој на медиумите и комуникациите.

Активно се служи со англискиот и италијанскиот јазик.