Во септември 2017г., македонска делегација составена од граѓански организации кои се залагаат за измена на конкретни закони и пратеници од Собранието на Р.М., го посети шкотскиот парламент во Единбург. Таму се сретнаа со претставници на различни комисии, кои ги пренесоа добрите практики на овој парламент за отвореност и активна комуникација со јавноста, како и адресирање на потребите на граѓаните. Посетата резултираше со конкретни идеи кои може да се остварат во Македонија, на чија реализација се работи во моментов. Ваквите активности треба да ја подобрат комуникацијата на граѓаните со Собранието.