Со предметите Јавни прашања и јавна дипломатија и Интегрирани маркетинг комуникации, дваесетина последипломци на Институтот за комуникациски студии ги започнаа магистерските студии.

Студентите ќе учат како да го практикуваат комуникацискиот и медиумскиот менаџмент за развој на една организација преку практични сесии, самостојно изучување и тимска работа. Со менторство и координација од професорите, тие ќе ги применуваат вештини за стратегиското одлучување, маркетингот, финансискиот менаџмент, техничките аспекти и за анализирање на општествените и политичките услови.

Со изучување на современите комуникациски и медиумски процеси, последипломците ќе го специјализираат знаењето и ќе го усовршат професионалниот пристап во работата. Тие ќе се оспособат да наоѓаат решенија за клучни прашања во градењето на односите со јавноста, да развиваат иновативни комуникациски концепти и да ги практикуваат новите трендови во медиумската сфера.

Студиите на ИКС претставуваат спој на теоријата со глобалните трендови и се изведуваат од етаблирани професори и врвни професионалци од Македонија и странство.