Зајакнување на имиџот на корпоративниот бренд, продажбата на услугите и производите и општествената одговорност се дел од придобивките за компаниите од спонзорирањето на настани. Ова беше посочено при посетата на студентите на Секторот за спонзорство на „Т-Мобиле“.

Специјалистот за спонзорство Тања Чепиљугин Прпоска вели дека со финансиската поддршка се обезбедува пристап до специфични целни пазари и влијание врз потрошувачките ставови за брендот. Во текот на годината, „Т-Мобиле“ спонзорира многу спортски, културни и образовни настани што влијае неговите производи и услуги да асоцираат на посебен начин на живот.

Таа објасни дека успешните предлози треба да ги адресираат потребите и бенефициите на спонзорот, да вклучуваат проширена промоција на неговиот бренд и да ги минимизираат евентуалните ризици од спонзорството. Менаџерите на спонзорираните настани треба да обезбедат редовна комуникација, посветеност и доверба со спонзорите додека ги подготвуваат и спроведуваат активностите. По спроведување на настанот, треба да се осигура дека ветената медиумска покриеност е реализирана и дека настанот ги одразил потребите на спонзорот на пазарот.

Посетата се реализираше во рамки на предметот Менаџирање на настани и буџетирање.