Дел од студентите по новинарство на Високата школа на почетокот на октомври беа во Охрид на обука за истражување засновано на податоци, или дата-новинарство, термин кој станува се поприсутен во новинарскиот лексикон.  Обуката ја организираа Амбасадата на САД во Скопје и редацијата на „Гласот на Америка“ на македонски јазик за студентите по новинарство и односи со јавноста од државните и приватните факултети во земјава.

Преку различни методи на анализа на бази на податоци, учесниците стекнаа нови знаења со цел идните приказни кои ќе ги објавуваат да ги направат на покреативен начин преку истканување на суштинските елементи низ разбирлива визуелизација.

„Живееме во период кога владеат тривијалности, но сепак денешното новинарство е подобро во однос на пристапот на информации“, вели Ведран Андоновски, уредник во  „Гласот на Америка“ на македонски јазик.

Студентите преку практични вежби и дискусии ја можеа да ги променат улогите и да ги видат двете страни од информациите – страната на односите со јавноста и онаа на новинарите.

Предавачи на обуката беа врвни професионалци како новинарот Џефри Јанг од „Гласот на Америка“, искусната Кетрин Шел од областа на односите со јавноста која веќе имала и новинарско искуство во „Гласот на Америка“ и други светски медиуми.