Дипломска работа на студентка по односи со јавноста првпат е изработена за потреби на компанија од Холандија. Комуникациските стратегии на останатите дипломирани студенти во мартовскиот рок се однесуваа на приватни компании и невладини организации во Македонија.

Проектите обработуваат прашања со кои компаниите се соочуваат на пазарот и нудат решенија за подобрување на надворешната и внатрешната комуникација на нивните клиенти. Комуникациските стратегии можат да се искористат како дел од стратешките бизнис планови на компаниите.

Во изработката на дипломските работи, студентите го истражуваа и анализираа пазарот, конкуренцијата, потенцијалните публики, како и главните цели и планови на оние за кои работеа. Врз основа на добиените резултати, тие ги креираа комуникациските цели и публики на клиентите, главните пораки, како и алатките и каналите за нивната комуникација со јавноста.

Со изработката на дипломската работа студентите го завршија нивното тригодишно студирање на Високата школаи се стекнаат со 180 ЕКТС и стручен назив „дипломирано стручно лице за корпоративни комуникации и односи со јавноста“.