Кога се организира настан, главните уметнички и креативни одлуки се однесуваат на тоа темата на случувањето да биде во согласност со целите и потребите на клиентот и учесниците. На оваа тема студентите разговараа со сопственикот на агенцијата за техничка реализација и креатива „КЛС“, Петар Георгиевски.

Тој вели дека темата на настанот го разликува од другите настани, а осветлувањето, просторот, декорот и акустиката играат клучна улога во удобноста на учесниците. Во обидот да се задоволат нивните потреби, организаторот на настани треба да понуди елементи на дизајн кои ќе влијаат на сите сетила - тактилни, мирис, вкус, визуелни и аудитивни.

Во исто време, програмата на настанот треба да се прилагоди на очекувањата на публиката, ограничувањата на местото и инфраструктура, културата на клиентот и главните спонзори, како и на достапноста на логистиката.

Темата и програмата треба да се утврди преку интензивни преговори со клиентот, но претходно мора внимателно да се анализираат неговите очекувања. Не треба да постои страв да се оди подалеку, меѓутоа секогаш треба да се испорача тоа што се ветува, вели Георгиевски.

Гостувањето се одра во рамки на предметот Менаџирање настани и буџетирање.