Посетата на агенцијата „Чаптер фоур“ им овозможи на студентите по односи со јавноста во прва година да ги разберат значењето на односите со јавноста и основите на својата идна професија.

Менаџерот на агенцијата Тодор Стојчевски кажа дека односите со јавноста подразбираат процес од неколку апсекти – односи со медиумите, организирање и управување состаноци и специјални настани, истражувања на пазар, директна пошта и рекламирање, кои создаваат солидна основа за инструментите што се на располагање во пристапот кон јавноста и во остварувањето на утврдените цели.

„Примената на таквите стратегии подразбира и ефективно пишување и убедливо зборување, заради успешно пренесување на добри пораки и постигнување на планираните цели.“, изјави Стојчевски.

Тој ги објасни елементите и чекорите за создавање и реализација на кампањи и ја претстави практичната перспектива на односите со јавноста преку соодветни примери од работењето на „Чаптер фоур“. Посетата се реализираше во рамки на предметот Вовед во односи со јавноста.