Високата школа продуцираше три видео туторијали за медиумска и дигитална писменост наменети за средношколци, професори од средни училишта, како и за студенти во областа на медиумите и комуникациите. Видеата можат да се користат како слободни онлајн ресурси на средношколската веб платформа www.medium.edu.mk.

Видео туторијалите се насловени како „Пишувај за веб", „Фотографирај и едитирај за веб" и „Снимај и монтирај видео". Онлајн ресурсите нудат сликовито, јасно и кратко објаснување на новинарските правила и техники за генерирање идеи, идентификување на вредни медиумски настани, пишување, посебно за веб, фотографирање, едитирање на фотографии, видео снимање и монтажа, како и поставување и споделување на медиумските производи на социјалните медиуми. Видео упатствата траат 4-5 минути и содржат графички примери, слики, видео клипови и насоки за употреба на компјутерски програми.

Онлајн ресурсите треба да ги зајакнат новинарските вештини и мултимедијалните способности на средношколците и студентите и ќе им овозможат да пишуваат, фотографираат и снимаат видеа во врска со нивните точки на интерес, преку користење на новите медиуми и другите модерни технологии. Вештините на средношколците за мултимедија треба да придонесе за закајнување на капацитетите на новинарски секции во училиштата, како и за развивање и одржување на училишните електронски весници.

Видео туторијалите се изработени во соработка на Европскиот центар за новинарство, а поддржано од „Фондација Медиуми и демократија“.