Телевизиски приказни на студенти на Високата школа се емитуваа на јавниот сервис во Холандија и на приватни телевизии во Белгија, Грција, Никарагва и Ирак. Идеите на темите „Како се станува возрасен“, „Скршено срце“ и „Менстурација“ се избраа на конкурсот на глобалната ТВ мрежа „Метрополис“, на кој конкурираа учесници од 70  држави од целиот свет. Погледнете ги прилозите што се продуцираа со тим и опрема на Високата школа.

Медиумите се главните посредници меѓу лидерите и граѓаните, но тој простор често е корумпиран, па се заборава јавниот интерес на сметка на политички и економски приоритети. Ова учесниците на Школата за лидери им го посочија на македонските уредници на дебатата „Медиумите и лидерството“, што во Охрид ја организираа Високата школа и Македонскиот институт за медиуми.