|
Високата школа работи според уникатна програма составена од реномирани академски професори и искусни новинари и уредници од Македонија и од врвни експерти од Данската школа за медиуми и новинарство и од Универзитетот за применети науки Виндесхејм од Холандија.
Студиските програми се дизајнирани во согласност со потребите на пазарот во Македонија, содржат голем број практични часови и обезбедуваат обука на студентите во медиуми, во компании и во јавната администрација.
Во согласност со принципите на Болоњската декларација, програмата во двете насоки се изучува според Европскиот кредит-трансфер систем (ЕКТС) во три академски години, со можност за постдипломски студии.
Секоја студиска година има по 60 ЕКТС-кредити еднакво поделени во два семестра, со што студентот по завршувањето на првите три години ќе се здобие со 180 ЕКТС-кредити и со диплома во соодветната област.
Студиска програма по новинарство
|
