Тој постојано се обидува да ги подобри своите вештини за фотографија при што учествуваше на Семинарот за фотографија на Универзитетот во Мисури а исто така 3 пати има учествувано на World Press Photo семинарот. Неговите дела се објавени во повеќе престижни весници како "Ле монд", "Сандеј тајмс", "Фајненшл тајмс " и други.

Тој има соработувано со најпознатите светски прес-агенции и учествувал во повеќе групни изложби. Тој имаше една изложба во Истанбул Slide Show Days во 2004 година, потоа на Универзитетот во Анталија, Турција, во 2007 година како и во Софија на тема "Фокусирајќи се на животот на Ромите во Европа". Во 2008 година тој ја имаше својата прва самостојна изложба "Велосипеди " во Скопје. Тој беше фотограф на УНИЦЕФ за Македонија за 2010 - 2012 година. Во 2012 година тој имаше 3 изложби во Сараево, Белград и Загреб, додека во 2013 година имаше изложби во Сараево и во Берлин.

Во текот на својата кариера тој има освоено многу престижни награди, како што се:

• Фотоконкурс на СОРОС Фондација - Второ место
• Добитник на Гран При награда за фотографија за 2004 година во Македонија.
• Награда од Обединетите нации за фотографија во 2006 година.
• Прва награда од Обединетите нации за 2008 година.
• Прва награда од Обединетите нации за 2009 година.
• Второ место за фотографија на конкурсот "Урбан пејзаж", 2010 година.
• Master class за професионални фотографи од Југоисточна Европа на World Press Photo и Фондацијата Роберт Бош за 2010/ 2011 година.
• Прво место за фотографија на "2/Two" натпреварот.
• Трето место во категоријата фотографии, на меѓународниот РОМА натпревар за серија на фотографии, ДЕЦА – НАДЕЖ ЗА ИДНИНАТА
• Прво место за фотографија на натпреварот на американската амбасада "Звукот на тишината" по повод Светскиот ден на слободата на печатот во 2012.
• Добитник на Жан Моне медиумска награда во Македонија 2012 година.
• Master class за професионални фотографи во "Докуфест", Призрен, Косово во 2013 година.