Планирањето и управувањето со внатрешната комуникација во компанија од голем ранг беше темата за која студентите по односи со јавноста ја посетија „Комерцијална банка“.

За време на посетата Мирјана Контеска, одговорна за односите со јавноста во Банката, ги запозна студентите со формалните и неформалните алатки коишто компанијата ги користи при внатрешното комуницирање. Детално беше објаснет и пристапот на директно информирање на вработените со важни теми на дневна база, но и нивното информирање со месечните теми преку издавање на тикет. Процесот на одржување Генерално собрание исто така им беше презентиран на студентите како форма на внатрешно комуницирање на акционерите.

Посетата беше реализирана во рамки на предметот Вовед во корпоративни комуникации, а студентите имаа можност да слушнат практични примери за здобиените теоретски знаења.